تجربتي مع مقشرات و ماسكات البشرة من اي هيرب

السلام عليكم ، بنات كثير طلبوا مني اتكلم عن تجربتي مع  منتجات iHerb ،
هنا تجربتي الأولى مع ايهيرب، و اليوم حابة اتكلم في هذا الموضوع البسيط عن تجربتي مع بعض اجمل الماسكات و المقشرات من اي هيرب ، اتفضلي الرابط اذا كنتي تبحثين عن ماسك للبشرة الجافة أو الدهنية  المتوفرة في الموقع، و اذا في اي منتج تحبين تستفسرين عنه أو تبغيني اشتريه و اجربه و أكتب ريفيو عنه بلغيني بطلبك بترك تعليق

تجربتي مع مقشرات و ماسكات البشرة من iHerb

تجربتي مع ماسكات ومقشرات اي هيرب : الطين المغربي ماسك الأوكسجين واحماض الفواكه ومقشر التفتيح


Now Foods, Solutions, Moroccan Red Clay, Facial Detox

ماسك الطين المغربي NowFoods

تجربتي مع ماسك الطين المغربي

  فوائد هذا القناع هي تنقية و تنظيف المسامات
، و كمان يغذي بشرتك لأنه يحتوي على مجموعة من المعادن طبيعية.
قبل فترة قرأت مقالة على النت عن المسامات الواسعة وسبب حدوثها ، كنت مفكرة ان المسامات الكبيرة شي مرتبط بالبشرة الدهنية ، بس كنت غلطانة كثير و المقالة صححت لي معلوماتي، لأنها مشكلة تحدث لكل انواع البشرة و سببها بكل بساطة هو ترسب الدهون و الأوساخ في المسام بعد كذا يصير انسداد في المسام و طبيعي يتوسع لأن دوره الطبيعي افراز العرق و الافرازات الدهنية الطبيعية اللي ترطب الجلد ، و اذا ما عالجنا مسببات الظاهرة هذي راح تتكرر المشكلة مثل الحلقة المفرغة و تستمر المسامات في التوسع! فانتبهوا يابنات و خلوا ماسك الطين جزء أساسي من روتينكم الاسبوعي للعناية ببشرتكم :)

ملاحظة : ادخلي هالصفحة ماسك كوين هيلين لمزيد من القنعة الطين أو ادخلي هنا تجربتي مع قناع الطين الأوروبي

ماسك الطين المغربي

القناع يجي في علبه بلاستيك وهو بودرة مثل الصورة ، فتقدرين تتحكمين بكثافته و تقدرين تخلطينه مع زبادي أو تضيفين له ليمون أو عسل أو اي شي تحبينه، انا أخلطه بموية بس و صورته عشان تشوفين قوامه كيف ^^
(إضغطي الصور عشان تشوفينها بحجم أكبر)


ماسك الطين المغربي
بشرتي مختلطة تميل للجفاف و تتحسس من بعض الاشياء على طول يصير لونها احمر فكنت حريصة على الاختيار، اخترت قناع الطين المغربي لأنه مخصص للبشرة الحساسة و الجافة و الحمدلله وفقت في اختياري و ناسبني كثير ، اول شي هو مره لطيف و مايجفف ، بعد ماتشيلينه ماراح تلاحظين اي احمرار أو بقع ، و طريقتي في استخدامه احطه على وجهي بس أول ماأحسه بدأ يشد اغسله ، ماأخليه ينشف على بشرتي ابداً! لأن الطين اذا نشف راح يبدأ يسحب و يمتص الرطوبة و الماء من الجلد.
احيانا استخدمه مع الحمام المغربي و أخليه نص ساعة بدون ماأخاف انه ينشف على بشرتي، فادني كثير في صفاء البشرة ، و لمن استخدمه بإنتظام الاحظ الحبوب و الرؤوس البيضا تخف بشكل كبيرجدا ،، اذا بشرتك مختلطة تقدرين تستخدميه كمان و ممكن تجربين الطين الفرنسي من نفس الشركة

الحسنات :
ينظف الجلد و يزيل الاوساخ و السموم من المسامات
يحافظ على المسامات نظيفة و بالتالي يمنع انسدادها الذي يؤدي للمسام الكبيرة
لطيف و مناسب للبشرة الجافة و الحساسة

نقي و طبيعي بدون اي اضافات
تقدرين تخلطينه بأي مكونات ثانية تحبينها و تسوين ماسك خاص فيك انتي و يناسب متطلبات بشرتك
ممكن تستخدمينه للجسم و مع الحمام المغربي
الكمية تكفيك فترة طويلة قرابة شهرين اذا تستخدمينه بشكل اسبوعي
السيئات :
لايوجد علبة بحجم اكبر :(

  لشراء المنتج إضغطي هنا



Reviva Labs, Oxygen Mask, Green Papaya & Hydrogen Peroxide

تجربتي مع ماسك الاكسجين مع البابايا

تجربتي مع ماسك بالبابايا و الاكسجين

يقشر البشرة و يفتح لونها عشان كذا مكتوب عليه اتجنبي وضعه على الحواجب ، و مكتوب عليه مناسب لكل انواع البشرة بس انا حسيته مره ما يناسب الا البشرة الجافة لأنه دهني كثير و صعب يروح مع الشطف لازم تمسحينه بقطن أو اسفنجة مبللة ، ما أنصح فيه اذا بشرتك دهنية و خصوصا لو الزيوت تسبب لك حبوب ، غير كذا هو مره حلو للترطيب و لطيف مره على البشرة و تقدرين تحطينه تحت العين مع الحرص طبعا انه ما يجي داخل العين ، اول ما حطيته حسيت انه جالس يرطب لي بشرتي فعلا  و استمتعت بالاحساس الجميل و المريح  اللي حسيت فيه خلال العشر دقائق من استخدامه
 ماسك البابايا الخضراء
يحسسك بالاسترخاء و الرفاهية كأنك جالسة تدلعين نفسك في الـ SPA و ريحته مره خفيفة و طبيعية تحسينه شي نقي و بيور،  حبيته كثير بس انصدمت وقت الشطف لأنه ما رضي يطلع الا بعد ما مسحته بإسفنجة مبلله بموية، لكن ارتحت لمن شفت تأثيره الفوري على بشرتي، صارت منتعشه و ندية و فيها لمعة حلوه و مترطبه من قلب و ناعمة زي البيبي ،  بعد كذا صرت كل ما أستخدمه احط منه على شفايفي كمان واللي يزيد منه على اناملي امسحه على يديني عشان استفيد منه ^^ و زي ما تشوفين خلصت نص العلبه و راح اشتريه مرة ثانيه لأنه عجبني مره للترطيب خصوصا قبل المناسبات و نتيجته تدوم طول اليوم خصوصا النعومة و الترطيب من جد يخلي بشرتك زي البيبي طول اليوم ، و جميل جداً في فصل الشتاء يسعف بشرتك من الجفاف.

الحسنات :
يرطب الجلد بعمق
طبيعي و بيور
تقريبا عديم الرائحة
يقشر بشكل خفيف جدا و لايترك اي قشور على الجلد
احساس جميل اثناء و بعد الاستخدام
يستخدم كماسك لتحت العين ايضا
بغذي بشرتك بالاكسجين و البابايا الخضراء
السيئات :
دهني و ثقيل و لايناسب البشرة الدهنية
العلبة صغيرة تكفي 5-6 استعملات فقط

Abra Therapeutics, Alpha Enzyme Peel


ماسك مقشر

تجربتي مع الماسك المقشر بأحماض الألفا هيدروكسي مع الانزيمات

الماسك هذا اول ما تحطينه راح تحسين بوخز خفيف ، و يمكن يضايقك الاحساس هذا ، لاحظت انه اذا حطيت طبقة خفيفه منه ما يكون الاحساس مزعج بشكل قوي ، و اكيد هالشي يعتمد على نوع بشرتك و حساسيتها ممكن ما تحسي بشي ابدا ، راح احكيلك عن تجربتي اول ما حطيته بعد دقيقة بديت احس بالوخز و كان احساس مو مريح ابدا و ضايقني لدرجة ان عيوني دمعت ، بس استحملته 5 دقايق و انا خايفة يسيب بقع على بشرتي! بعدما غسلته لاحظت احمرار في بشرتي و راح بعد 10 دقائق ، اعتقد هذه شي طبيعي مرة لأن هذا القناع بأحماض  الفواكه المركزة و هو مقشر قوي ، ما سبب لي اي مشكلة في بشرتي ابدا ، بالعكس تماما كمقشر حلو و يؤدي المطلوب ، و ينعم ملمس بشرتك و بعد يومين أو 3 تلاحظين الجلد يتقشر بشكل خفيف ، مهم جدا انك تداومين على الترطيب لأن البشرة تنشف شوي بعد ماسكات الاحماض ،كمان  تقدرين تستخدمينه بس على التبقعات و التصبغات ، حبيت اجربه على يديني بس ما لاحظت اي نتيجة تقشير فورية لأن الجلد على الجسم سميك .واعتقد في خيارات افضل لليد ان شاء الله اكتب ريفيو عنها بس احصل منتج حلو و يفي بالغرض لتقشير اليدين.
ادخلي هنا طريقة تقشيروتفتيح اليدين للتدوينة اللي تكلمت فيها عن روتيني لتفتيح اليدين :)

 ماسك احماض الفواكه و الهيدروكسي
صورت لك من داخل العلبة عشان تاخذين فكرة عن قوامه ، هو مثل التفاح المهروس بالضبط و سهل في الاستخدام و ما يتعبك ابدا و سهل في الإزالة كمان بسرعة يروح مع الماء .
الحسنات:
مقشر فعال و قوي
مع الاستخدام المستمر ينعم مظهر الخطوط الرفعية و التجاعيد و يعطيك بشرة أكثر شباباً
له دور في تبييض البشرة
العلبة فيها كمية طيبة و تكفيك فترة لأنك تحتاجين طبقة خفيفة منه فقط
مع الاستمرار في استخدامه تتعود بشرتك عليه و تقدرين تزيدين من عدد مرات الاستخدام اسبوعياً
 
السيئات:
الاحساس بالوخز قد يكون مؤلم للبعض ، اقترح عليك تسوين اختبار موضعي و تشوفين قدرة بشترك على تحمله










Acure Organics, Brightening Facial Scrub

مقشر تبييض البشرة بزيت الارغان

تجربتي مع مقشر اعشاب البحر مع الارغان من أكيور

هذي السنفرة اللي اسميها كنز الجمال ^^
باعشاب البحر مع الطين  الفرنسي و قشور الليمون العضوي ، و لها 3 فوائد : تقشر  بكل نعومة و بشكل لطيف، و تنظف المسامات بدون ما تجفف بشرتك و تغذي بشرتك بزيت الارغان مع خلايا الارغان الجذعية اللي تعالج الضرر اللي يصير في بشرتنا كل يوم من اشعة الشمس و التوتر و غيرها من العوامل، و تقوم بتبييض البشرة و تفتيحها و إعطائها اشراقة فورية ، غير النعومة اللي لاحظتها من اول استخدام ، حسيت بشرتي منتعشة و فيها حيوية من بعد اول استخدام ، كمان الحلو فيها انك ما تحسين باي احساس ثقيل أو دهني بعد ما تستعملينها ، بالعكس تحسين بشرتك صارت فريش و ناعمة و فيها حيوية.
تجربتي مع سنفرة الارغان بالليمون

ريحتها خفيفة مرة و تشبه النعناع ، طبعا ما فيها عطور و الريحة اللي فيها من زيت النعناع و زيت المريمية الاساسي

صورتها على يدي عشان اوضح لك شكلها و كثافتها و الحبيبات الناعمة اللي فيها ، قوامها زي الجل و مرة ناعمة و انسيابية و بس تفركينها على بشرتك بتحسين بنعومتها و قد ايش هيا لطيفة على البشرة ، و تصير كريمية مع التدليك و تعطيك احساس جميل جدا تحسين انك جالسة تدلعين نفسك فيها ^^

سكرب الارغان
 خلصت نص العلبة و تقريبا انا استخدمها الحين من 3 شهور مرة في الاسبوع ، و مرة ناسبتني و الحلو فيها انك تحتاجين نتفة صغيرة منها للاستخدام فتدوم و تطول عندك ، و اذا خلصت راح اشتري منها مرة ثانية اكيد لأنها مرة حلوة من ناحية المكونات و الفوائد و انا مرة انصح فيها و اعطيها 10\10



الحسنات:
فوائدها : تقشير و تنظيف المسامات ، تفتيح البشرة  و تغذيتها
نباتية و عضوية ، و بدون اي اضافات صناعية ضارة
مناسبة لكل انواع البشرة
لطيفة على الجلد

السيئات:
لايوجد ^^



Bee Naturals, Queen Bee Facial Polish

مقشر يومي للبشرة

تجربتي مع مقشر وملمع الوجه الطبيعي من بي ناشورال

بدون اي عطور او اضافات ، و مكوناته بسيطة جدا يحتوي على مسحوق زهرة الخزامى (اللافندر ) و بوردة الطين مع بودرة الشوفان و حبيبات سنفرة ناعمة جدا ، صورته لكم عشان تشوفون قد ايش هو ناعم ، تقريبا بودرة و مره ناعم و مستحيل يخدش الجلد  و هذي أهم ميزة في المقشر هذا ، و ثاني ميزة انه يحتوي على الطين ، و كل مرة تقشرين بشرتك راح تستفيدين من مفعول الطين في تنظيف المسامات من المكياج و الاوساخ اللي ما يشيلها الغسول بشكل كامل

ممكن تستخدمينه بشكل يومي اذا بشرتك دهنية او مختلطة او عادية ، و اذا جافة تستخدمينه مرتين في الاسبوع ، الميزة فيه انه متعدد الاستخدامات تقدرين تسوين منه السنفرة اللي تناسبك  او بخلطه مع منتجك المفضل،  مثلا الغسول السائل اللي تحبينه أو رغوة صابونتك المفضلة أو كريم أو لوشن اللي تحبينه أو حتى مع الزبادي او العسل او بس مع ماء ، مره حلو المقشر هذا يابنات لايفوتكم ، و العلبة تكفيك فترة لاباس بها لأنك تحتاجين  منه كمية بمقدار ملعقة شاي في الاستعمال الواحد
انا أخذته اجربه رغم ان عندي مقشر ثاني لأن صديقتي جربته و مدحته لي مرة فقلت لازم اجربه ، و عادي اذا جلس فترة عندي
 لأن تاريخ انتهائه يطول ، العلبة اللي عندي اخذتها قبل شهرين و مكتوب في الموقع تنتهي على 2018
اعطيه 8\10 لأن مقشر الارغان افضل بالنسبة لي من ناحية المكونات ، بس هذا ما ينتقص من حقه ابدا بالعكس اعتبره من احد افضل المقشرات في ايهيرب و تقدرين تشوفين تقييمه و آراء المجربين في الموقع ، انصحك فيه اذا تبغين مقشرناعم و طبيعي و بسيط بدون اضافات


 الحسنات :
- بسيط و بيور
- تقدرين تضيفينه لأي شي و تسوين السنفرة الخاصة فيك اللي تناسب بشرتك
و اذا مستعجلة تقدرين تخلطينه مع الغسول اليومي السائل او حتى الماء فقط
-  ناعم مرة و لطيف على الجلد
- مفعول ثنائي تنظيف للمسام و تقشير للبشرة.
- كمية كبيرة
- يناسب كل انواع البشرة
السيئات :
ممكن يكون انعم من ان يعطي نتيجة التقشير المطلوبة اذا كان الجلد سميك



و بكذا اكون انتهيت من تقريري و تجربتي مع مقشرات وأقنعة الوجه ، اذا عجبك الموضوع و استفدتي منه شاركيه مع من يعز عليك بالضغط على احد الايقونات بالأسفل ^^

2 comments

غير معرف delete 17 يونيو, 2017

السلام عليكم ..
مقشر acure تحسين مفيد استعمل بعده ماسك ؟ او هو يغنيني خلاص لاني بعده احط تونر وبعده ارطب وجهي وبس

مرحبا وعليكم السلام
حسب بشرتك واحتياجها مثلا لو دهنية او تحسين تحتاج تحكم قوي في الدهون والرؤوس البيضاء او السوداء فلازم تستخدمين ماسك طين مثل قناع الطين الاوروبي واللي اشوف انه ضروري لأي بنت لأنه ينظف البشرة وينقيها من الشوائب، ممكن تستخدميه بعد مقشر اكيور على طول او بعد يوم او يومين من استخدامه هذا الشي يتحدد باحتياج بشرتك وطبيعتها

اذا بشرتك متقدمة بالسن او جافة او فيها تجاعيد يفضل تستخدمين بعده ماسكات مغذية ومعالجة او ماسكات مرطبة لأنها راح تكون مهيئة لاستقبال الماسك او اي تريتمنت معالج بعد التقشير.

اذا بشرتك مافيها مشاكل او ماتحتاج عناية خاصة يكفي انك تستخدمين مقشر اكيور لتجديدها وتفتيحها :)


EmoticonEmoticon